pm kisan farmers can get rs three lakh loan with low interest rate know details..

Telugu News Sep 21, 2023 324 0

ప్రధాన మంత్రి కిసాన్ సమ్మాన్ నిధి పథకంలో (PM Kisan Scheme) ఉన్న రైతులకు అలర్ట్. పీఎం కిసాన్ రైతులకు రుణాలు ఇచ్చేందుకు కేంద్ర ప్రభుత్వం ప్రత్యేకంగా ఓ పోర్టల్ ప్రారంభించింది. పీఎం కిసాన్ రుణ్ పోర్టల్ (PM Kisan Rin Portal) పేరుతో ఈ వెబ్‌సైట్ ప్రారంభమైంది. కిసాన్ క్రెడిట్ కార్డ్ స్కీమ్ (Kisan Credit Card) ద్వారా పీఎం కిసాన్ రైతులకు రుణాలుఇవ్వడమే ఈ వెబ్‌సైట్ లక్ష్యం.ఇంకా కిసాన్ క్రెడిట్ కార్డ్ రుణాలు తీసుకోని రైతులు లక్షల్లో ఉంటారు. ఇప్పటివరకు కిసాన్ క్రెడిట్ కార్డ్ స్కీమ్ ద్వారా రుణాలు తీసుకోని రైతులకు, ఈ పథకం గురించి తెలియజేసి, రుణాలు ఇచ్చేందుకు కేంద్ర ప్రభుత్వం ఘర్ ఘర్ కేసీసీ అభియాన్ పేరుతో డోర్ టు డోర్ క్యాంపైన్ కూడా నిర్వహిస్తోంది.

ముందుగా రైతులు https://fasalrin.gov.in/ వెబ్‌సైట్ ఓపెన్ చేయాలి. లాగిన్ పైన క్లిక్ చేయాలి. మొబైల్ నెంబర్, పాస్‌వర్డ్, క్యాప్చా కోడ్ ఎంటర్ చేసి లాగిన్ చేయాలి. ఆ తర్వాత రైతులు తమ వివరాలతో కిసాన్ క్రెడిట్ కార్డ్ కోసం దరఖాస్తు చేయాలి. బ్యాంకులు ఈ వివరాలను వెరిఫై చేసిన తర్వాత, అర్హులైన రైతులకు రుణాలను మంజూరు చేస్తాయి.

ప్రస్తుతం పీఎం కిసాన్ రుణ్ పోర్టల్‌లో 97 కమర్షియల్ బ్యాంకులు, 58 రీజనల్ రూరల్ బ్యాంకులు, 512 కోఆపరేటీవ్ బ్యాంకులు చేరాయి. అంటే ఈ బ్యాంకులన్నీ రైతులకు కిసాన్ క్రెడిట్ కార్డ్ ద్వారా రైతులు ఎంతైనా రుణాలు పొందవచ్చు. అయితే రూ.3 లక్షల వరకు కేంద్ర ప్రభుత్వం నుంచి వడ్డీ రాయితీ లభిస్తుంది. సాధారణంగా రైతులు రూ.3 లక్షల వరకు లోన్ తీసుకుంటే వార్షిక వడ్డీ రేటు 7 శాతం వర్తిస్తుంది. కేంద్ర ప్రభుత్వం నుంచి 3 శాతం వడ్డీ రాయితీ లభిస్తుంది. కాబట్టి రైతులు రూ.3 లక్షల వరకు రుణాలకు 4 శాతం వడ్డీ చెల్లిస్తే చాలు. ఇక రూ.3 లక్షలకు మించిన రుణాలకు బ్యాంకులు వడ్డీ రేట్లను నిర్ణయిస్తాయి.

కిసాన్ క్రెడిట్ కార్డ్ స్కీమ్ 1998 లో ప్రారంభమైంది. కేంద్ర ప్రభుత్వం, రిజర్వ్ బ్యాంక్ ఆఫ్ ఇండియా , నాబార్డ్ కలిసి ఈ పథకాన్ని ప్రారంభించాయి. కేంద్ర ప్రభుత్వం ఈ స్కీమ్ ద్వారా రైతులకు కేవలం 4 శాతం వడ్డీ రేటుకే రూ.3 లక్షల వరకు రుణాలు అందిస్తుంది. రైతులందరూ కిసాన్ క్రెడిట్ కార్డ్ పథకం ద్వారా రుణాలు పొందవచ్చు. పంటల సాగు కోసం స్వల్పకాలిక రుణ అవసరాలను తీర్చడానికి బ్యాంకుల నుంచి రుణాలు పొందవచ్చు.