These Problems Can Be Reduced If Jasmine Flowers

Telugu News Apr 26, 2024 63 0

Jasmine Uses - మల్లె పువ్వుతో అందమే కాదు.. ఎన్నో ఆరోగ్య ప్రయోజనాలున్నాయ్!

మల్లెపువ్వు గురించి ప్రత్యేకంగా పరిచయాలు అవసరం లేదు. అందరికీ ఈ పువ్వు గురించి తెలుసు. మంచి సువాసన వెదజల్లుతూ ఉంటుంది. మల్లె పూలు ఎక్కువగా వేసవి కాలంలో పూస్తాయి. చాలా మంది లేడీస్‌కి మల్లె పూలు అంటే చాలా ఇష్టం. మల్లెపూలు పెట్టుకుంటే.. జుట్టుకే అందం వస్తుంది.

మల్లె పూలతో అందమే కాదు.. ఇంకా ఎన్నో ప్రయోజనాలు ఉన్నాయి. ఆయుర్వేదంలో కూడా మల్లెపూలను ఎన్నో అనారోగ్య సమస్యలు తగ్గించేందుకు ఉపయోగిస్తూ ఉంటారు. వీటిని సరైన పద్దతిలో ఉపయోగిస్తే మనకు తెలియని ఎన్నో సమస్యలకు చెక్ పెడుతుంది.

మల్లెపూవ్వుతో ఒత్తిడి, ఆందోళన, నిద్రలేమి వంటి వాటిని తగ్గించుకోవచ్చు. మల్లె పువ్వు శరీరంలో ఉన్న హార్మోన్లను సమతుల్యం చేస్తుంది. ఒత్తిడి, ఆందోళన ఉన్నప్పుడు జాస్మిన్ ఆయిల్‌తో తలకు మర్దనా చేసుకుంటే ఒత్తిడిని తగ్గించుకోవచ్చు. మంచి నిద్ర కూడా పడుతుంది.

కీళ్ల నొప్పులు ఉన్నవారు జాస్మిన్ ఆయిల్‌తో మసాజ్ చేసుకుంటే.. తగ్గుతాయి. మల్లెపూలతో జుట్టు సమస్యలను కూడా తగ్గించుకోవచ్చు. జుట్టు రాలడం, తెల్ల వెంట్రుకల సమస్య ఉన్నవారు.. జాస్మిన్ ఆయిల్‌‌ జుట్టుకు బాగా పట్టించి.. తలస్నానం చేయండి. ఇలా చేస్తే.. జుట్టు నల్లగా పొడుగ్గా పెరుగుతుంది.

అదే విధంగా మల్లెపూలతో తయారు చేసిన టీ తాగడం వల్ల ఎన్నో సమస్యల్ని తగ్గించుకోవచ్చు. ఈ టీ తాగితే శరీరంలో ఉండే చెడు బ్యాక్టీరియాను పోయి.. మంచి బ్యాక్టీరియా పెరుగుతుంది. అంతే కాకుండా జీర్ణ సమస్యలు కూడా తగ్గుతాయి.